નવી દિલ્હી : ગુજરાત અને ભારત માટે ઓસ્કાર તરફથી એક મોટા સમચાર આવ્યા છે. સામે આવી રહેલા સમાચાર અનુસાર, ગુજરાતી ફિલ્મ છેલ્લો શો ઓસ્કાર એવોર્ડ માટે શ્રેષ્ઠ આંતરરાષ્ટ્રીય શ્રેણીમાં શોર્ટલિસ્ટ થઈ છે.
ઓસ્કાર એવોર્ડ 2023 માટે ગુજરાતી ફિલ્મ શોર્ટ લિસ્ટ થઈ એ ગુજરાત અને ભારત માટે ગર્વની ક્ષણ છે.
આ મુદ્દે વાત કરતા ફિલ્મ મેકર સિદ્ધાર્થ રોય કપૂર, ધીર મોમાયા અને ડિરેક્ટર પાન નલિને એક સંયુક્ત નિવેદન આપતા આ ઘટનાને ઐતિહાસિક ઘટના ગણાવી હતી.
અહીં ફિલ્મ નિર્માતાઓએ લખ્યુ કે, અમે નમ્ર અને આનંદિત છીએ કે ધ લાસ્ટ ફિલ્મ શો (છેલ્લો શો)ને એકેડેમી ઑફ મોશન પિક્ચર આર્ટસ એન્ડ સાયન્સ દ્વારા માન્યતા આપવામાં આવી છે.
જ્યારથી ફિલ્મ ફેડરેશન ઓફ ઈન્ડિયા દ્વારા 95મા ઓસ્કારમાં ભારતની સત્તાવાર એન્ટ્રી તરીકે આ ફિલ્મની પસંદગી કરવામાં આવી ત્યારથી અમને ખાતરી હતી કે આ ફિલ્મ કંઈક બનશે.
મેકર્સે આગળ જણાવ્યુ કે, અમે FFI અને છેલ્લો શો જોનારા અને પ્રશંસા કરનારા લાખો લોકો તેમજ અમારા આંતરરાષ્ટ્રીય વિતરકોનો આભાર માનવા માંગીએ છીએ જેમણે ફિલ્મને ખૂબ સારી રીતે પ્રમોટ કરી.
ભારત માટે આ એક ઐતિહાસિક ક્ષણ છે અને અમે આશા રાખીએ છીએ કે તે ઓસ્કાર જલ્દી ઘરે લઈને આવશે.
